Neymar ætlar að vera áfram í Brasilíu

Eins og við var búist hefur brasilíska undrabarnið Neymar ákveðið að spila áfram með Santos í heimalandinu í stað þess að fara til Evrópu.

Umboðsmaður hans hafði staðfest að bæði Real Madrid og Barcelona væru á eftir leikmanninum. Hann hafði þess utan staðfest að Neymar væri spenntari fyrir Madrid en Börsungum.

Þegar Neymar lenti í heimalandinu í dag eftir Copa Amercia tjáði hann þarlendum blaðamönnum að hann ætlaði sér að vera áfram hjá Santos.

Neymar dreymir um að vinna HM félagsliða með Santos og hann hefur ekki útilokað flutning til Evrópu í janúar.