Morðóður hnífamaður handtekinn í New York

Æði virðist hafa runnið á Maksim Gelman, 23 ára gamlan mann af úkraínskum uppruna í New York, á föstudag þegar hann myrti fjóra með hníf á innan við tuttugu og átta klukkustundum í borginni.

Hann myrti stjúpföður sinn, fyrrverandi kærustu og móður hennar áður en hann hljóp niður gangandi vegfaranda. Maðurinn fór snemma á föstudag í ferðina örlagaríku vopnaður fimm hnífum. Maðurinn stakk fjóra aðra sem lifðu árásirnar af.

Hann var loks handtekinn í lest á laugardag eftir leit sem hafði staðið yfir í sólarhring, að sögn lögregluyfirvalda í borginni. Lögreglustjórinn í New York, Raymond Kelly, sagði við bandaríska fjölmiðla að hann hefði aldrei séð annað eins þá áratugi sem hann hefði starfað fyrir lögregluna í borginni.

Lögreglan hefur lýst árásarmanninum sem atvinnulausum fíkniefnaneytanda.