Rúmlega helmingur styður Ólaf Ragnar í næstu forsetakosningum

Rúmlega helmingur, eða 53,7 prósent þeirra sem tóku afstöðu í könnun MMR fyrir Viðskiptablaðið, segja að til greina komi að kjósa Ólaf Ragnar Grímsson í forsetakosningum á næsta ári, ef hann gefur kost á sér.

46,3 prósent segja að það komi ekki til greina en 75 prósent aðspurðra tóku afstöðu. Fylgi við Ólaf Ragnar er meira meðal karla en kvenna, meira á landsbyggðinni en á höfuðborgarsvæðinu og meira meðal ungs fólks en eldra.

Afgerandi meirihluti Framsóknarmanna, eða 85 prósent, styðja Ólaf Ragnar og rúm 64 prósent Sjálfstæðismanna, en aðeins 25 prósent Samfylkingarmanna.