Tók aukaspyrnu með kollinum

Ótrúleg uppákoma átti sér stað í leik í rússnesku B-deildinni um síðustu helgi. Þá tók leikmaður sig til og skallaði boltann beint úr aukaspyrnu.

Það var eðlilega ekki mikill kraftur í skallanum en leikmaðurinn renndi boltanum fyrir félaga sinn sem þrumaði yfir mark andstæðinganna í kjölfarið.

Óvíst er hvort að með þessu hafi hann náð að koma andstæðingum sínum eitthvað á óvart en frumlegt var það - svo mikið er víst.

Myndbandið má sjá með því að smella á hlekkinn hér fyrir ofan.