Húðflúraði 305 þjóðfána á líkama sinn

Indverjinn Har Prakash komst í Heimsmetabók Guinnes á dögunum fyrir að vera með flesta þjóðfána húðflúraða á líkama sinn.

Alls er hann með 305 þjóðfána húðflúraða á líkamann en sjálfur segir hann að með framtakinu vilji hann stuðla að heimsfriði.

„Fólk kallar mig brjálæðing en það angra mig ekki,“ segir hinn sjötugi Prakash sem rekur búð með varahluti fyrir bíla í Nýju Delhi.

Prakash hefur fengið nafn sitt skráð í Heimsmetabók Guinnes fyrir 22 heimsmet. Meðal annars fyrir að heimsenda flatböku frá Nýju Delhi til San Francisco í Bandaríkjunum.

Þrátt fyrir talsverða leit þá er ekki að sjá að hann sé með íslenska fánann húðflúraðan á sig. Þess má geta að Prakash er ekki með nein húðflúr á bakinu.