Hraðbankar biluðu - Gátu tekið endalaust út

Ástralski bankinn Commonwealth þurfti að loka öllum hraðbönkunum sínum í landinu í gær eftir að tölvukerfið bilaði sem gerði það að verkum að viðskiptavinir gátu tekið endalausan pening út án þess að eiga fyrir honum.

Heilu raðirnar mynduðust fyrir utan nokkra hraðbanka í landinu í gær. Þegar upp komst um tölvuvilluna fór lögreglan á vettvang og minnti fólk á að ef það tæki peninginn mætti það búast við því að verða ákært fyrir þjófnað.

Bankinn ætlar að endurheimta allan peninginn sem var tekinn út, sem voru talsverðar fjárhæðir.