Ljósin stjórnast af viðburðum

Umferðarljósin við Hörpuna stýrast af því hvort viðburðir standa yfir í tónlistarhúsinu. Vinna við nýjan stýribúnað umferðarljósanna hefst í dag.

Ljósin eru á gatnamótum Sæbrautar, Kalkofnsvegar og Faxagötu, en um þessi gatnamót er akstursleið að og frá Hörpu. Í tengslum við viðburði í Hörpunni má búast við miklum sveiflum í umferðarþunga og er nýi stýribúnaðurinn gerður til að mæta því álagi. Skynjarar mæla umferðarþunga frá húsinu inn á gatnamótin og lengja ef þörf er tímann sem græna ljósið logar.

- sv