Elizabeth Taylor er látin

Ein stærsta kvikmyndastjarna allra tíma, Elizabeth Taylor er látin, 79 ára að aldri. Taylor hafði lengi barist við veikindi og var í meðferð við hjartsláttartruflunum. Á meðal frægra mynda sem Taylor lék í má nefna Cleopatra og Who's afraid of Virgina Woolf?

Hún var ekki síður fræg fyrir einkalífið sem tíðum þótti æði skrautlegt. Á lífsleiðinni giftist hún sjö sinnum og stórleikaranum Richard Burton giftist hún tvisvar. Síðasta eiginmanninum, húsasmiðnum Larry Fortensky, giftist hún á Neverland búgarði Michaels Jacksons, en þau tvö voru miklir mátar alla tíð. Hún lætur eftir sig fjögur börn og níu barnabörn.

Á ferlinum fékk hún fjölda verðlauna og tvisvar vann hún Óskarinn fyrir besta leik í aðalhlutverki.