Byssulög verða ekki hert í Sviss

Meirihluti Svisslendinga hefur hafnað því í þjóðar­atkvæðagreiðslu að lög um byssu­eign í landinu verði hert. Um 1.300 sjálfsvíg eru framin á hverju ári í Sviss og fjórðungur þeirra er af völdum byssu. Tillaga hafði verið lögð fram um að herrifflar yrðu bannaðir á heimilum og að erfiðara yrði að festa kaup á annars konar byssum. Andstæðingar tillögunnar telja að þessar breytingar dragi úr trausti á hernum. Hefð er fyrir því að menn eigi áfram riffla sína eftir að þeir ljúka herþjónustu sinni og geymi þá á heimilum sínum. - fb