Porsche þakkar fyrir stuðninginn á Facebook - er nafnið þitt þarna?

Þýski sportbílaframleiðandinn Porsche er á Facebook eins og flestir aðrir þessa dagana. Þegar fyrirtækið hafði náð í milljón aðdáendur á síðunni sinni ákváðu forsvarsmenn þess að gera eitthvað til minningar um áfangann.

Afraksturinn er þessi glæsilegi 911 GT3 Hybrid, sem er skreyttur með nöfnum allra facebook aðdáenda Porsche. Vafalaust eru einhverjir Íslendingar á bílnum og hér er hægt að fletta upp nöfnunum milljón. Þeir sem vilja sjá bílinn með eigin augum þurfa hinsvegar að skella sér á Porsche safnið í Munchen þar sem gripurinn er til sýnis.