Umfjöllun: Þrenna Kristins sá um Fylkismenn

Breiðablik vann sterkan sigur, 3-1, gegn Fylki á Kópavogsvelli í kvöld, en Kristinn Steindórsson gerði öll mörk heimamanna. Blikar komust 2-0 yfir eftir aðeins tuttugu mínútna leik, en gestirnir gáfust ekki upp og náðu að minnka muninn fyrir hálfleik. Í síðari hálfleik missti Fylkismenn tvo leikmenn útaf með rauð spjöld, eftir það var róðurinn heldur erfiður fyrir gestina og Blikar innsigluðu 3-1 sigur undir lokin.

Leikurinn hófst með miklum látum Kópavogsvellinum og greinilegt að Íslandsmeistararnir í Breiðablik ætluðu að selja sig dýrt. Heimamenn pressu strax frá fyrstu mínútu hátt upp á völlinn og markið lá í loftinu á upphafsmínútunum.

Kristinn Steindórsson, leikmaður Breiðabliks, skoraði fyrsta mark leiksins eftir 13 mínútna leik. Arnar Már Björgvinsson, leikmaður Blika, tók virkilega góða hornspyrnu inn í vítateig Fylkis, þaðan barst boltinn til Kristins eftir mikið klafs sem þrumaði honum í netið af stuttu færi.

Aðeins fimm mínútum síðar voru heimamenn komnir í 2-0 og aftur var Kristinn Steindórsson á ferðinni. Guðmundur Kristjánsson, leikmaður Blika, fékk boltann rétt fyrir utan teig, renndi honum laglega á Kristinn sem var kominn einn á móti Fjalari í marki Fylkis. Eftirleikurinn auðveldur en vel klárað hjá þessum snjalla leikmanni.



Útlitið var virkilega slæmt fyrir gestina eftir og fátt benti til annars en auðveldur sigur heimamanna, en drengirnir hans Óla Þórðar eru ekki þekktir fyrir að gefast upp og þeir náðu að minnka muninn eftir rúmlega hálftíma leik.



Þórir Hannesson skallaði boltann í netið framhjá Ingvari Kale í marki Breiðabliks eftir fína aukaspyrnu frá Tómasi Þorsteinssyni, leikmanni Fylkis. Allt í einu var leikurinn orðin galopinn og spennandi síðari hálfleikur framundan.

Seinni hálfleikurinn byrjaði rólega og liðin áttu erfitt með að skapa sér góð marktækifæri. Gestirnir í Fylki voru samt ívið hressari og virkuðu ákveðnir í að jafna metin.

Þegar tæplega hálftími var eftir af leiknum fékk Valur Fannar Gíslason, fyrirliði Fylkis, tvö gul spjöld á aðeins tveggja mínútna kafla og þ.a.l. rautt og var sendur í sturtu. Eftir það tóku heimamenn öll völd á vellinum og tóku að sækja stíft að marki Fylkis.

Aðeins fimm mínútum síðar komst Kristinn Steindórsson, leikmaður Blika, í ákjósanlegt færi inn í vítateig Fylkis, Fjalar Þorgeirsson, markvörður gestanna, feldi Kristinn og vítaspyrna því dæmd.

Vilhjálmur Alvar Þórarinsson , dómari leiksins, ákvað að gefa Fjalari rautt spjald fyrir brotið og því Fylkismenn orðnir 9 á móti 11. Kristinn skoraði örugglega úr vítaspyrnunni og kláraði þar með leikinn.

Breiðablik 3 – 1 Fylkir1-0 Kristinn Steindórsson (13.)

2-0 Kristinn Steindórsson (18.)

2-1 Þórir Hannesson (33.)

3-1 Kristinn Steindórsson (71.)

Áhorfendur: 1260

Dómari: Vilhjálmur Alvar Þórarinsson 4

Skot (á mark): 10 – 7 (5-3)

Varin skot: Ingvar 2 – 2 Fjalar

Horn: 4 – 1

Aukaspyrnur fengnar: 12 – 13

Rangstöður: 3-3

Breiðablik (4-3-3):

Ingvar Þór Kale 6

Arnór Sveinn Aðalsteinsson 6

Finnur Orri Margeirsson 6

Elfar Freyr Helgason 6

Kristinn Jónsson 7

Guðmundur Kristjánsson 7

Jökull Elísabetarson 6

Arnar Már Björgvinsson 5

(46. Andri Rafn Yeoman 7 )

Rafn Andri Haraldsson 6

(82. Tómas Óli Garðarsson -)

Kristinn Steindórsson 9 * maður leiksins

Dylan Jacob MacAllister 6

(82. Marko Pavlov -)

Fylkir (4-3-3):

Fjalar Þorgeirsson 5

Þórir Hannesson 6

Kristján Valdimarsson 5

Valur Fannar Gíslason 5

Tómas Þorsteinsson 6

Ásgeir Börkur Ásgeirsson 5

Gylfi Einarsson 6

Andrés Már Jóhannesson 6

(70. Ísak Björgvin Gylfason 5)

Ingimundur Níels Óskarsson 4

Jóhann Þórhallsson 4

(65. Davíð Þór Ásbjörnsson 5)

Albert Brynjar Ingason 4