Vandræðagangur hjá CSKA Sofia í Búlgaríu

Búlgarska knattspyrnusambandið hefur lokað á félagaskipti miðjumannsins Marquinho frá CSKA Sofia til kýpverska félagsins Anorthosis Famagusta. Ástæðan er vandgoldnar skuldir búlgarskra félagsins við önnur félög.

Brasilíumaðurinn 29 ára, sem reyndar er með búlgarskt ríkisfang, hafði samið við Famagusta til þriggja ára en ekkert verður úr félagaskiptunum í biili.

„Félagið fær hvorki að kaupa né selja leikmenn þar til það hefur greitt skuldir sínar," sagði Yordan Lechkov varaformaður búlgarska knattspyrnusambandsins. CSKA skuldar búlgörsku félögunum Sliven, CHernomorets Burgas og Slavia Sofia öllum misháar upphæðir.

„Við höfum gert löglegan samning við Marquinhos og CSKA og við ættum að geta fengið hann innan 30 daga samkvæmt reglum UEFA," sagði Stanimir Stoilov knattspyrnustjóri Anorthosis.

Óvíst er hvort það gangi eftir en UEFA hefur haft sig lítið í frammi gagnvart framgangi búlgarskra félagsliða undanfarin misseri. Garðar Gunnlaugsson stendur í stappi við CSKA Sofia og á erfitt með að fá sig lausan frá félaginu. Sömu sögu er að segja af Grindvíkingnum Jósef Kristni Jósefssyni sem hefur ekki fengið greitt frá félagi sínu sem neitar ennfremur að leysa hann undan samningi.