Jude Law og Sienna Miller hætt saman

Breski leikarinn Jude Law og leikkonan Sienna Miller eru hætt saman, samkvæmt talsmanni leikarans.

Þau trúlofuðu sig árið 2004 en slitu síðan samvistum árið 2006, eftir að upp komst um framhjáhald Law með barnapíunni.. Það var svo árið 2009 sem ástin kviknaði aftur á milli þeirra og hafa þau verið saman síðan.

„Ég get staðfest að Jude Law og Sienna Miller eru ekki lengur kærustupar," sagði talsmaðurinn við fjölmiðla í dag. „Þetta var sameiginleg ákvörðun og þau eru góðir vinir," sagði svo vinur parsins við tímaritið People.

Þau keyptu saman íbúð í ágúst síðastliðnum á litlar 700 milljónir króna í miðborg Lundúna. Þegar fréttir af því voru sagðir sagði vinur parsins að þau væru tilbúin að gleyma fortíðinni og hefja nýtt líf á nýjum stað.

Það virðist því miður ekki hafa gengið upp.