Sonur og barnabörn Gaddafis drepin í loftárásum

Sonur Muammar Gaddafi Saif Al-Arab Gaddafi, og þrjú barnabörn leiðtogans, féllu í loftárásum Nató á borgina Tripólí í Líbíu í nótt. Þetta kom fram í yfirlýsingu frá líbíska ríkinu snemma í morgun.

Loftárásinni var miðað á hús þeirra á Bab al-azi-ziya hverfinu í Trípólí. Muammar Gaddafi sjálfur var í húsinu en slapp ómeiddur. Nató segist hafa ráðist á þekkt stjórnunarhúsnæði á svæðinu en tók sérstaklega fram að einstaklingar hafi ekki verið í sigtinu.

Árásin hafi ekki verið til þess fallin að ráða Muammar Gaddafi af dögum. Talsmaður bandamanna Nató sagði allar aðgerðir bandalagsins hernaðarlegar, ekki pólitískar. Þá tók hann fram að Nató harmi öll dauðsföll, sérstaklega saklausra borgara.