Danskur maður myrti börnin sín þrjú

Fjórutíu og fjögurra ára gamall maður skaut þrjú börn sín til bana í bænum Birkeröd á Norður-Sjálandi í Danmörku í nótt. Móðir barnanna hringdi á lögregluna um klukkan fimm í nótt en hún óttaðist um börnin sem gistu hjá föður sínum að því er haft er eftir lögreglunni á vef danska blaðsins Berlingske Tidende.

Þegar lögregla kom á staðinn fundust börnin, sem voru tveggja, átta og tíu ára gömul, látin. Maðurinn hafði í kjölfarið reynt að fremja sjálfsmorð með því að taka inn lyf og er hann nú á gjörgæslu.