Samstaða sýnd á Lækjartorgi

Fólk um allan heim efnir í dag til samstöðufunda með íbúum Egyptalands og annarra ríkja Mið-Austurlanda. Hér á landi efnir Íslandsdeild Amnesty International til samstöðu­fundar á Lækjartorgi klukkan 14. Fólk er beðið um að klæðast svörtu, hvítu eða rauðu, sem eru litir egypska fánans.

Blaðamannafélag Íslands, Félag múslima á Íslandi, Kvenréttindafélag Íslands, Menningar- og friðar­samtökin MFÍK, PEN á Íslandi, Rauður vettvangur, Rithöfundasamband Íslands, Reykjavíkurakademían, Samband ungra framsóknarmanna, Samband ungra sjálfstæðismanna og Ung vinstri græn styðja fundinn.- gb