ÍAV segir alla heila í Hörpunni

Sigurður Ragnarsson, framkvæmdastjóri hjá Íslenskum aðalverktökum, sem stýrir byggingu Hörpunnar hafði samband við fréttastofu og sagðist ekki kannast við að neitt slys hafi orðið í Hörpunni í dag.

Greint var frá því fyrir stundu að sjúkraflutningamenn hefðu farið í Hörpuna vegna vinnuslyss. Samkvæmt upplýsingum frá lögreglunni var óttast að starfsmaður í byggingunni hefði misst fingur. Sigurður segist hins vegar hafa rannsakað málið eftir að hafa heyrt fréttir af því og það sé sín niðurstaða að ekkert slys hafi orðið.

Sigurður segir að sjúkraflutningamenn hafi hins vegar verið staddir við húsið í dag til þess að kynna sér aðstæður í því.