Köngulær leita í Mözdur - 65 þúsund bílar innkallaðir

Japanski bílaframleiðandinn Mazda hefur innkallað 65 þúsund bíla vegna sérkennilegs bílaáhuga köngulóa.

Gula Sac köngulóin leitar í eldsneytiskerfi bílanna og býr sér til hreiður. Þar vefa þær köngulóavefi og láta fara vel um sig.

Bílaframleiðandinn hefur fundið um tuttugu tilvik þar sem köngulóin hefur hreiðrað um sig í bílunum með þeim afleiðingum að þrýstingur í eldsneytistankinum hefur fallið og eldhætta aukist.

Ekki er vitað hvers vegna köngulærnar leita í bílana.