Danskar herþotur í loftvarnaskothríð yfir Líbíu

Danskar F-16 herþotur sem taka þátt í aðgerðunum gegn hersveitum Gaddafís í Líbíu hafa nokkrum sinnum lent í skothríð frá loftvarnarbyssum stjórnarhermanna. Yfirmaður dönsku flughersveitarinnar sem staðsett er á Sikiley segir í samtali við Extrabladet að engin vél hafi enn orðið fyrir skoti. Hann segir að vélarnar fljúgi í svo mikilli hæð að litlar líkur séu á því að kúlur loftvarnabyssanna nái upp til þeirra.

Danirnir hitta hinsvegar með sprengjum sínum og hafa skotfærageymslur og skriðdrekar verið á meðal skotmarka þeirra. Herferðin sem sex þotur taka þátt í kostar hinsvegar sitt. Mest er notast við rúmlega 220 kílóa  sprengjur sem kosta 6,5 milljónir króna stykkið. Herkostnaðurinn hingað til nemur að sögn yfirmannsins um 780 milljónum króna.