Innlent

María Lilja svarar Davíð - og þar er enga afsökunarbeiðni að finna

Hart tekist á. Nú er spurningin hvort Davíð Þór stefni Maríu Lilju fyrir meiðyrði.
Hart tekist á. Nú er spurningin hvort Davíð Þór stefni Maríu Lilju fyrir meiðyrði.
"Það var aldeilis að pennaskríplið mitt strauk þér öfugum, það var þó ekki nema og, á þig voru bornar þungar sakir, ég gerði þér það náttúrlega alveg upp að hafa á nokkurn hátt "hlutgert" konur í gamla dónablaðinu, sem ég efast ekki um að þú hafir stýrt af mikilli natni og náungakærleik," skrifar María Lilja Þrastardóttir í svarpistli sínum á vefnum Innihald.is.



Þar svarar hún pistli Davíðs Þórs Jónssonar, sem hótaði að lögsækja hana fyrir meiðyrði vegna pistils sem hún skrifaði á dögunum og var andsvar við grein sem Davíð skrifaði og birti í Fréttablaðinu um helgina.



Þar vildi Davíð Þór meina að María Lilja hefði vegið alvarlega að æru sinni, meðal annars með því að kalla Bleikt og blátt, sem Davíð ritstýrði fyrir um áratug síðan, klámbækling. Hann gaf henni þrjá sólarhringa til þess að biðjast afsökunar á nokkrum ummælum sem hann taldi upp í færslu sinni. Nú er svarið komið; og María Lilja er ekki á þeim buxunum að biðjast afsökunar.



Ástæðan fyrir deilunni er hörð gagnrýni Davíðs gagnvart aðferðum stóru systranna til þess að safna nöfnum meintra vændiskaupenda, og koma þeim til lögreglunnar.



María Lilja segir meðal annars í pistli sínum að „Gildisdómar njóta aukinnar verndar umfram ósannaðar staðreyndir. Í gildisdómi felst mat á staðreyndum en ekki miðlun staðreynda og mat hlýtur alltaf að vera huglægt og hljótum við að vera sammála um það að engin yfirvöld geta stýrt huglægu mati manna."



Hún bætir svo við: Að mati Mannréttindadómstólsins er kröfum um sannanir fyrir gildisdómum ekki hægt að fullnægja. Dómstólinn hefur því talið það óheimila skerðingu á tjáningarfrelsi að refsa manni fyrir meiðandi gildisdóma á þeirri forsendu að sannleiksgildi ummæla hans hafi ekki verið staðreynd."



María Lilja segir það löngum þekkt hér á Íslandi „að stórkarlar eins og Ásgeir Davíðsson (kenndur við Goldfinger), og sjálfur Ólafur heitinn Skúlason hafi notað þessa meiðyrðalöggjöf sér í vil þegar kemur að ærumeiðingum snarbrjálaðra kvenna sem voguðu sér að skilgreina þá sem klámdólga og/eða dóna."



Hún spyr svo: „Finnst þér þetta eftirsóknarverður hópur að líkjast?"



Hægt er að lesa pistil Maríu Lilju í heild sinni hér. Svo má nálgast fyrri pistla og forsögu í grein í viðhengi.


Tengdar fréttir

María Lilja ætlar að svara Davíð í hádeginu

„Ég ætla að svara honum um hádegið,“ segir María Lilja Þrastardóttir, sem ritaði harðort bréf til Davíð Þórs Jónssonar, pistlahöfundar Fréttablaðsins, út af grein sem hann skrifaði í blaðið um helgina.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.