Dómarinn sem rak Totti af velli dæmdur í fangelsi fyrir eiturlyfjasmygl

Ítalir muna vel eftir dómaranum Byron Moreno frá Ekvador. Hann dæmdi viðureign Ítala og Suður-Kóreu í átta-liða úrslitum HM 2002 og þótti dómgæsla hans í meira lagi vafasöm. Hann hefur nú verið dæmdur í tveggja og hálfs ára fangelsi fyrir að smygla heróíni.

Moreno var handtekinn á John F. Kennedy flugvellinum í New York á síðasta ári á leið sinni frá Ekvador. Hann reyndist vera með poka af heróíni innan klæða. Hæsta mögulega refsing hljóðaði uppá 10 ára fangelsi. Tvö og hálft fangelsi varð niðurstaðan.

Moreno var í sviðsljósinu í leiknum fyrrnefnda þar sem hann dæmdi meðal annars af fullkomlega löglegt mark Ítala auk þess sem hann rak Francesco Totti af velli.

Hann hætti dómgæslu árið 2003 eftir að hafa tvívegis verið settur í bann í heimalandi sínu. Í annað skiptið fékk hann 20 leikja bann fyrir að bæta tólf mínútum við venjulegan leiktíma.