Dómari varð uppvís að leikaraskap

Hann var svo sannarlega ekki til fyrirmyndar dómarinn í viðureign Operario og Mirassol í neðri deildum brasilíska boltans á dögunum. Hann sýndi fáséð leikræn tilþrif af dómara að vera og óhætt að segja að leikmennirnir hafi brugðist illa við.

Dómarinn lyfti rauða spjaldinu og var brotlegi leikmaðurinn allt annað en sáttur við ákvörðun dómarans. Leikmaðurinn setti enni sitt í enni dómarans sem sýndi engin viðbrögð. Hálfri sekúndu síðar henti hann sér í jörðina með miklum tilþrifum.

Leikmennirnir voru alls ekki sáttir og þurfti lögregla að lokum að skerast í leikinn.

Atvikið má sjá í spilaranum hér fyrir ofan.