Blakaði boltanum í eigið mark - myndband

Þessi markvörður í hvítrússnesku úrvalsdeildinni hefur nú öðlast heimsfrægð fyrir ótrúleg mistök í leik með liði sínu, Torpedo Zhodino, á mánudagskvöldið.

Artem Gomelko, markvörður Torpedo, fékk á sig þokkalega meinlaust skot af rúmlega 60 metra færi, og ætlaði að taka rólega á móti boltanum og leggja hann fyrir sig með höndinni.

En þess í stað blakaði hann knettinum í eigið mark og Anton Matveenko, leikmaður Dnepr Mogilev, fagnaði ótrúlegu marki. Svo fór að þetta reyndist jöfnunarmark Dnepr sem er botnliðið í hvítrússnesku deildinni.

Markið ótrúlega má sjá með því að smella á hlekkinn hér fyrir ofan.