Platini: Fótboltinn er í lífshættu

Michel Platini, forseti UEFA, óttast um framtíð fótboltans þar sem hvert spillingarmálið á fætur öðru hefur litið dagsins ljós að undanförnu og bíræfnir peningamenn virðast vera að hagræða úrslitum leikja út um allan heim.

„Fótbolti er í lífshættu eins og allar aðrar íþróttir. Innsta eðli íþróttanna á að byggjast á trúverðugleika úrslita allt frá leikjum á skólalóðinni til leikja á HM," sagði Michel Platini.

UEFA þurfti að henda tyrkneska liðinu Fenerbahce út úr Meistaradeildinni á dögunum og ítalska knattspyrnan hefur líka þurft að ganga í gegnum erfið spillingarmál.

„Það líður varla vika utan þess að fjölmiðlar greini frá áskökunum, rannsóknum eða handtökum í tengslum við heiðarleika okkar móta. Ég neita að taka þessu og ég veit að öll fótboltafjölskyldan er klár í það að

gera gagnárás," sagði Platini.