Rangers vann Celtic í baráttunni um Skotland

Stórleikurinn í skosku úrvalsdeildinni fór fram í dag þegar Rangers og Celtic mættust á Ibrox vellinum í Glasgow.

Leikurinn var frábær skemmtun og æsispennandi, en heimamenn stóðu uppi sem sigurvegarar og unnu leikinn 4-2.

Steven Naismith kom Rangers yfir eftir rúmlega tuttugu mínútna leik, en Celtic gerðu tvö næstu mörk leiksins og staðan var 2-1 fyrir gestina í hálfleik.

Nikica Jelavić jafnaði metinn fyrir Rangers þegar tíu mínútur voru liðnar af síðari hálfleik og komust síðan heimamenn yfir tuttugu mínútum fyrir leikslok, en þá skoraði Kyle Lafferty.

Celtic menn reyndu eins og þeir gátu að jafna leikinn en þegar þeir misstu Charles Mulgrew útaf með rautt spjald rétt fyrir leikslok varð róðurinn of þungur fyrir gestina.

Rangers gulltryggði síðan sigurinn á þriðju mínútu uppbótartíma þegar Steven Naismith skoraði sitt annað mark í leiknum.

Rangers er því í efsta sæti deildarinnar með 19 stig og Celtic í því öðru með 15 stig.