Innlent

Vinsældarmatsnefnd Besta flokksins vill íhuga alvarlega landsframboð

Jón Gnarr, mældist með tæplega 40 prósent vinsældarfylgi í gær samkvæmt MMR.
Jón Gnarr, mældist með tæplega 40 prósent vinsældarfylgi í gær samkvæmt MMR.
Vinsældarmatsnefnd Besta flokksins hefur sent landskjörnefnd Besta flokksins formlegt erindi þar sem hún telur að athuga beri af enn meiri alvöru framboð flokksins til næstu þingkosninga.

Samkvæmt ályktun nefndarinnar þá er tilefnið fyrir formlegri beiðninni nú, dvínandi vinsældir borgarstjórans, Jóns Gnarr, en nefndin fagnar niðurstöðum könnunarinnar.

Orðrétt segir í ályktun vinsældarmatsnefndarinnar: „Vinsældarmatsnefnd Besta flokksins fagnar niðurstöðum nýlegum könnunar á ánægju landsmanna með störf hins mikla mannvinar og leiðtoga, borgarstjórans í Reykjavík, en líklegt má telja að fáir starfandi stjórnmálamenn njóti jafn mikilla vinsælda á landsvísu."

Samkvæmt upplýsingum frá framkvæmdastjóra flokksins er óljóst hverjir sitja í vinsældarmatsnefndinni, sem mun vera leynileg nefnd innan Besta flokksins en annað myndi skekkja niðurstöður að sögn framkvæmdastjórans.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.