Innlent

Þrír fluttir á sjúkrahús vegna ólöglegs kappaksturs

Mikil mildi að ekki fór verr.
Mikil mildi að ekki fór verr.
Þrír voru fluttir á slysadeild eftir að bíl var ekið á ljósastaur í Breiðholti í gærkvöldi. Slysið varð um áttaleytið en þá voru tveir ökumenn, 18 og 19 ára, í kappakstri í Arnarbakka.

Annar þeirra missti stjórn á bílnum með fyrrgreindum afleiðingum en innanborðs voru þrír farþegar sem allir fóru á slysadeild, eins og áður sagði, en meiðsli þeirra eru ekki alvarleg eftir því sem best er vitað.

Í hinum bílnum voru einnig fjórir að ökumanninum meðtöldum en farþegarnir sex eru á aldrinum 15-18 ára.

Mikil mildi þykir að ekki fór verr en ljóst er að ökumennirnir stofnuðu lífi og heilsu allra í augljósan háska.

Þess má geta að banaslys varð í miðborg Reykjavíkur fyrr í mánuðinum sem talið er að megi rekja til hraðakstur. Þá lést Eyþór Darri Róbertsson, sem var tæplega tvítugur þegar hann lést.

Þess má geta að hann var jarðsunginn í Hallgrímskirkju í dag.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.