Steinþór Freyr með rándýrt mark - myndband

Steinþór Freyr Þorsteinsson, leikmaður Sandnes Ulf, skoraði frábært mark er lið hans sigraði Bryne, 5-3, í miklum markaleik í norsku 1. deildinni.

Leikurinn fór fram á Bryne Stadion, heimavelli Bryne, en með sigrinum styrkti Sandnes Ulf stöðu sína á toppi deildarinnar en félagið er með 43 stig, fimm stigum á undan Hønefoss sem eru í öðru sæti.

Steinþór Freyr gerði fjórða mark gestanna tuttugu mínútum fyrir leikslok og kom þeim yfir 4-3, Sandnes Ulf gerðu síðan útum leikinn stuttu síðar.

Hér að neðan má sjá myndband af öllum mörkum leiksins, en mark Steinþórs kemur eftir rúmlega þrjár mínútur.



Myndbandið.