Forlan birti óvart mynd af liðsfélaga sínum nöktum

Diego Forlan hefur mikla ánægju af því að veita stuðningsmönnum sínum innsýn í líf hans sem knattspyrnumanns. Hann tók mörg hressandi myndbönd í Suður-Afríku síðasta sumar með landsliði Úrúgvæja. Líklegt er að Martin Caceres hugsi Forlan þegjandi þörfina eftir nýjasta myndband hans.

Forlan setti myndband á netið sem sýndi fagnaðarlæti Úrúgvæ í kjölfar sigursins á Paragvæum. Hluti myndbandsins er tekinn í búningsklefa liðsins þar sem liðsfélagi Forlan, Martin Caceres, stendur í bakgrunni í inniskóm einum klæða og sendir sms-skilaboð.

Eins og við var að búast var myndbandið snögglega fjarlægt af netinu. Þó ekki nógu snögglega til þess að áhorfendur náðu að taka skjáskot af myndinni. Sjá hér.