Alejandro Sabella tekur við Messi og félögum

Alejandro Sabella tekur við þjálfun landslið Argentínu en Sergio Batista var rekinn eftir að liðið náði sér ekki á strik í Copa America. José Luis Meiszner formaður knattspyrnusambands Argentínu hefur staðfest við fjölmiðla þar í landi að Sabella verði næsti þjálfari liðsins.

Argentína féll úr keppni í átta liða úrslitum í Copa America þar sem þeir voru gestgjafar og það er óásættanlegur árangur að mati flestra í Argentínu.

Batista náði aðeins einu ári í starfinu en hann tók við liðinu eftir að Diego Maradona var rekinn eftir Heimsmeistaramótið í Suður-Afríku árið 2010.

Sabella var leikmaður með River Plate í Argentínu en hann lék á Englandi með Sheffield United árið 1978 og hann var í tvö ár leikmaður Leeds. Hann endaði ferilinn í Argentínu og lék þar með Estudiantes, Gremio og Ferro Carril Oesta.

Á síðustu árum hefur hann verið þjálfari Estudiantes og náð fínum árangri með liðið. Argentína hefur tvívegis fagnað sigri á HM, 1978 og 1986. Árangur liðsins á stórmótum undanfarin ár hefur ekki verið eins góður og margir áttu von á. Liðið hefur ekki komist í úrslit keppninnar