Spilakassinn var bilaður - vann 3 milljónir í stað 1400 króna

Hann var heldur heppinn fjárhættuspilarinn sem vann 12 dollara í spilakassa í Pittsburgh í Bandaríkjunum á dögunum. Því spilakassinn prentaði út miða þar sem stóð á að hann hafi unnið 25 þúsund dollara.

Spilakassinn var einn af fimm nýjum spilakössum í spilavíti í borginni en þeir höfðu ekki verið prófaðir eða fengið vottun sem spilakassar þurfa frá yfirvöldum. Talsmenn spilavítisins leyfðu vinningshafanum að eiga upphæðina til að forðast málsóknir en tóku jafnframt fram að spilakassarnir verði teknir úr umferð þar til búið er að fara yfir tæknihliðina á þeim - því augljóslega væri eitthvað vitlaust forritað í að minnsta kosti einum þeirra.

Það verður að teljast nokkuð gott, að vinna tæplega 1400 krónur og fá tæplega þrjár milljónir í vasann.