Bin Laden notaði eiginkonuna sem skjöld

Osama Bin Laden notaði lifandi eiginkonu sína sem skjöld áður en hann var skotinn í gær. Þetta segir John Brennan, yfirmaður gagnhryðjuverkamála í Hvíta húsinu.

Brennan sagði í kvöld að embættismenn hefðu getað fylgst með árásinni í rauntíma. Þetta hafi verið gríðarlega streituvekjandi fyrir alla þá sem komu að máli. Mínútur hefðu virst vera dagar og forsetanum hefði verið mjög annt um velferð fólksins síns.

Brennan sagði að það hefði verið mikill léttir fyrir aðra þegar í ljós kom að aðgerðin hefði heppnast.

Gríðarlegur fögnuður braust út í dag eftir að fréttist að Osama Bin Laden hefði verið ráðinn af dögum.