Katrín Júlíusdóttir giftir sig í dag

Katrín Júlíusdóttir iðnaðarráðherra gengur að eiga unnusta sinn, Bjarna Bjarnason, við hátíðlega athöfn í dag. Þau ætla að láta gefa sig saman í Kópavogskirkju.

Katrín vill ekki segja frá því hvernig brúðarkjóllinn verður né neinu öðru í smáatriðum fyrir brúðkaupið. „Ég ætla ekki að segja frá neinu fyrr en þetta er bara búið. Mig langar að eiga þetta svona fyrir mig," segir Katrín í samtali við Vísi.

Katrín og Bjarni hafa boðið fjölda gesta. Þar á meðal eru einhverjir vinir hennar úr þinginu. „Svo náttúrlega eru þetta bara vinir mínír í gegnum lífsleiðina, vinir mannsins míns og ættingjar," segir Katrín. „Þannig að það verður svona bland af vinum og ættingjum," bætir Katrín við.