Fer reglulega í útreiðatúra á kú

Þegar foreldrar Reginu Meyer vildu ekki gefa henni hest fór hún ekki í fýlu eins og margir unglingar hefðu gert. Hún fór út í haga á bóndabænum þeirra í Þýskalandi  og sótti kúna Lúnu. Það tók tvö ár fyrir þær að ná saman en núna söðlar Regína kúna reglulega og fer á henni í útreiðartúra. Lúna stekkur jafnvel yfir hindranir ef hún er í góðu skapi. Þetta hefur valdið nokkrum ruglingi í dýrheimum um hverskonar skepna Lúna er eiginlega.

„Ég held að hún líti á sig sem hross af því að henni líkar frekar við hross en kýr. Kúm líkar reyndar ekkert vel við hana heldur. Nágrönnum Meyer fjölskyldunnar þótti það í fyrstu fyndið að sjá hana ríða út á kúnni. Nú taka þeir því hinsvegar einsog sjálfsögðum hlut,“ segir Regina Meyer.

Nágrönnum Meyer fjölskyldunnar þótti það í fyrstu fyndið að sjá hana ríða út á kúnni. Nú taka þeir því hinsvegar einsog sjálfsögðum hlut.