Líklegt að kveikt hafi verið í á Bústaðabletti

Ýmislegt bendir til þess að kveikt hafi verið í gömlu íbúðarhúsi á Bústaðabletti, rétt austan við Bústaðakirkju í Reykjavík í gærkvöldi. Húsið stór skemmdist.

Þegar slökkvilið kom á vettvang voru reykkafarar þegar sendir inn í húsið, sem reyndist mannlaust. Þá logaði töluvert í húsinu og lagði mikinn reyk frá því. Skamma stund tók að slökkva eldinn, en víða voru glæður og þurfti meðal annars að rjúpa þekjuna til að komast að þeim.

Húsið er í eigu borgarinnar og hefur verið leigt út. Síðast bjuggu þar pólskir verkamenn. Þegar slökkvilið kom á vettvang voru útidyrnar ólæstar og búið var að brjóta rúðu í glugga á bakhlið hússins.