Starfsmenn Becromal Iceland samþykkja verkfall

Starfsmenn Becromal Iceland, álþynnuverksmiðjunnar á Akureyri, samþykktu í gær verkfall með yfirgnæfandi meirihluta. 52 greiddu atkvæði, 51 sagði já en einn greiddi atkvæði gegn verkfallinu. 98 prósent starfsmanna greiddu því með verkfallinu.

Í samningum er gert ráð fyrir 45 daga fyrirvara, það er sérsamningur um verkföll, því verður verkfallið ekki fyrr en 12. maí  hið fyrsta.

Kastljós greindi frá því í gær að verksmiðjan losar margfalt meira af vítíssóda-menguðu vatni í sjó við Krossanes en heimilt er samkvæmt starfsleyfi. Magnið sem losað er geti haft alvarleg áhrif á lífríki í Eyjafirði.