Kærður fyrir að tuska tólf ára dreng til eftir snjóboltaárás

Karlmaður um fimmtugt hefur verið kærður til lögreglunnar fyrir að slá tólf ára dreng í höfuðið sem hafði, ásamt skólabræðrum sínum, kasta snjóboltum í glugga íbúðar hans í Norðurbæ Hafnarfjarðar.

Maðurinn fór út á svalirnar og steytti hnefa og sagði drengjunum að hætta þessu. Þeir létu sér ekki segjast. Maðurinn hljóp þá út og á eftir drengjunum. Þeir flýðu undan manninum en einn þeirra féll við. Maðurinn náði honum og á að hafa slegið hann í höfuðið.

Par á bíl og kona á göngu urðu vitni að meintu aðförinni samkvæmt lögreglunni á höfuðborgarsvæðinu. Engar skýrslur hafa verið teknar vegna málsins.

Samkvæmt upplýsingum frá lögreglunni virðist maðurinn hafa tuskað drenginn til, en óljóst er hversu harkaleg aðförin var.