Erlent

Flett ofan af vinkonum í málinu gegn Assange

Óli Tynes skrifar
Julian Assange
Julian Assange
Sænski rannsóknarstjórinn í kynferðisbrotamálinu gegn Julian Assange er náin vinkona annarrar konunnar sem hefur kært hann. Hún hefur farið háðuglegum orðum um Assange á Facebook síðu sinni.

 Sænska blaðið Expressen segir að rannsóknarstjórinn hafi meðal annars yfirheyrt vinkonu sína vegna samskipta hennar og Assanges. Blaðið segir að allt frá apríl 2009 megi finna á netinu persónuleg samskipti kvennanna. Það var sextán mánuðum áður en málið gegn Assange kom upp.

Konurnar tvær eru auk þess sagðar pólitískir samherjar í sænska jafnaðarmannaflokknum en þar hafi þær kynnst.

Expressen segir að rannsóknarstjórinn hafi farið háðuglegum orðum um Assange á Facebook síðu sinni. Hún kallaði hann ofmetna bólu sem væri við það að springa. Hún lofsöng auk þess lögfræðistofuna sem fer með málið gegn Wikileaks stofnandanum.

Konurnar tvær eru ennþá í sambandi til dæmis skrifa þær athugasemdir við Facebook færslur hvorrar annarrar. Sænskur lögfræðingur Assanges segir í viðtali við Expressen að þessar upplýsingar veki óhjákvæmilega upp spurningar um rannsóknarvinnu lögreglunnar.

Assange heldur nú til í Bretlandi en þarlend yfirvöld hafa samþykkt að framselja hann til Svíþjóðar vegna þessa máls.

Mest lesið


Fleiri fréttir

Sjá meira


×

Mest lesið