Real Madrid vill líka fá Rodwell

Það verður væntanlega hart barist um þjónustu Jack Rodwell, leikmanns Everton, næstu misserin en þrjú risalið vilja öll fá hann í sínar raðir.

Vitað var af áhuga beggja Manchester-liðanna og nú hefur það lekið út að Real Madrid vilji líka næla í strákinn efnilega.

José Mourinho, þjálfari Real, hefur fylgst grannt með stráknum síðustu tvö ár og hefur verið að senda njósnara sína á leiki Everton.

Rodwell er sjálfur sagður hafa mestan áhuga á því að fara til Man. Utd.