Stakk fólk af handahófi

Fjörutíu og eins árs gamall maður frá Marokkó hefur verið handtekinn á eyjunni Ibiza eftir að hafa sært að minnsta kosti níu manns í hnífaárásum í dag. Einn aðili er alvarlega særður á hálsi og hefur gengist undir skurðaðgerð.

Árásirnar hjá manninum virðast hafa verið handahófskenndar en hann gekk berserksgang fyrir utan stórverslun í bænum Sant Antoni þar sem hann byrjaði að stinga fólk. Síðar færðust átökin út á götu.

Ibiza er vinsæll ferðamannastaður meðal Breta og þá hafa margir Íslendingar sótt eyjuna undanfarin ár.