Erlent

Stráksi fann nýtt gæludýr

Óli Tynes skrifar
Ung móðir í smábæ í Brasilíu varð forvitin þegar hún sá að þriggja ára gamall sonur hennar var kominn á bakvið sófa í stofunni og hjalaði þar og skríkti. Hún kíkti á bakvið sófann og sá að drengurinn var að klappa á kollinn á fimm feta löngum krókódíl.

Miklar rigningar hafa verið á þessum slóðum undanfarið og flætt inn í mörg hús. Meðal annars hús mæðginanna. Króksi hafði notað tækifærið og smeygt sér inn. Móðirin greip son sinn í ofboði og hringdi í slökkviliðið sem kom og fangaði króksa. Honum var sleppt aftur í hæfilegri fjarlægð frá bænum.

Mest lesið


Fleiri fréttir

Sjá meira


×

Mest lesið