Tískumógúllinn Galliano handtekinn í París

Breski fatahönnuðurinn John Galliano var handtekinn í gærkvöldi í París, sakaður um árás og kynþáttaníð. Galliano, sem er yfirhönnuður hjá Dior tískuhúsinu, er sagður hafa setið við drykkju í Marais hverfinu þegar hann vatt sér allt í einu að pari sem sat á kaffihúsi og jós yfir það andgyðinglegum svívirðingum.

Tískumógúllinn var handtekinn og færður á lögreglustöð en sleppt skömmu síðar. Verði hann ákærður gæti hann átt yfir höfði sér fangelsisvist en andgyðinglegur áróður er refsiverður í Frakklandi.