Guðjón Baldvinsson búinn að skrifa undir hjá KR

Guðjón Baldvinson er búinn að fá sig lausan frá sænska félaginu GAIS og hefur í framhaldinu skrifað undir þriggja ára samning við KR. Vefsíðan fótbolti.net segir frá þessu.

Guðjón fór til sænska liðsins eftir tímabilið 2008 en náði aldrei að festa sig í sessi hjá félaginu. Hann var lánaður til KR síðasta sumar og skoraði þá 10 mörk í aðeins 13 leikjum. Guðjón hefur alls skorað 19 mörk í 34 leikjum í úrvalsdeild karla.

Guðjón hefur spilað með KR á undirbúningstímabilinu en hann fór einnig til reynslu í Póllandi og Rússlandi. Það hefur legið lengi fyrir að hann væri ekki að fara spila með sænska liðinu en nú er hann loksins laus allra mála.