Drykkjupartý, misnotkun og dauði í þýsku skólaskipi

Skuggi hefur fallið á hið fræga þýska skólaskip Gorch Fock. Skipið þykir með fegurstu fleyjum og hefur nokkru sinni komið til Íslands á ferðum sínum um heiminn. Þann 7. janúar lést ung stúlka um borð í skipinu og hefur síðan þá komið í ljós að nauðganir, drykkjupartý og ofbeldi var daglegt líf um borð.

Hellmut Königshaus, FDP flokknum í Þýskalandi, hefur krafist rannsóknar á því sem gerðist um borð. Málið komst upp þegar Sarah S., stýrimaður um borð í Gorch Fock, hrapaði úr mastri skipsins og beið bana. Hún hafði áður sagt yfirmanni sínum að hún væri uppgefin og ætti erfitt með gang.

Eftir lát Söruh safnaði Norbert Schatz, skipstjóri Gorch Fock, áhöfninni saman. Hann sagði slys eiga sér stað, bæði í flugvélum, bílum og skipum. Nemendurnir um borð brotnuðu saman og grétu og sagði Norbert þá hastarlega að Gorch Fock væri enginn leikskóli.

Daginn eftir hélt Norbert skipstjóri karnival partý. Áhöfnin klæddi sig upp í búninga og steig dans. Einn af yfirmönnunum Gorch Fock hefur greint frá því að sú hefð hafi verið um borð að yfirmenn söfnuðu pening í hatt. Sá sem svaf hjá ljótasta nemanum fékk pottinn.

Eftir lát Söruh segir yfirmaðurinn að partýið hafi haldið áfram - sigurféið hafi verið greitt út.

Svo virðist sem ómennskan hafi vart átt sér takmörk um borð í þessu sögufræga skipi. Komið hefur fram í þýska þinginu að stúdent um borð hafi verið kynferðislega áreittur af þremur hermönnum. Atvikið hafi átt sér stað í sturtu þegar neminn hafi beygt sig eftir sápu.

Eldri atvik hafa einnig komið upp á yfirborðið. Í september árið 2009 drukknað 18 ára stúdent í norðurhöfum, árið 2002 dó 19 ára nemi um borð og árið 1998 hrapaði annar nemi úr mastri skipsins og hlaut mikinn skaða af.

Dauði Söruh S. var hins vegar kornið sem fyllti mælinn. Áhöfn skipsins var flogið heim til Þýskalands og bannað að tala við fjölmiðla. Því er vænst að fari fram ítarleg rannsókn á því hvað átti sér stað um borð í Gorch Fock, en þessi þrímastra skúta hefur oft glatt augu Íslendinga í heimsóknum sínum til landsins.