Bannar viðskipti við Líbýu og frystir eignir Gaddafi

Obama Bandaríkjaforseti hefur skrifað undir tilskipun sem bannar öll viðskipti við Líbýu og frystir eignir og innistæður Gaddafi og vina hans í Bandaríkjunum.

Obama vill með þessu þrýsta á Gaddafi að láta af völdum. Ban Ki Moon framkvæmdastjóri Sameinuðu þjóðanna hefur einnig skorað á öryggisráðið að grípa til aðgerða gegn Gaddafi. En eins og oft áður ætlar það að reynast þrautinni þyngri að koma nokkrum málum þar í gegn.

Sendinefnd Líbýu hjá Sameinuðu þjóðunum sagði sig frá þjónustu við ríkisstjórn Gaddafis í gær og lýsti sig hliðholla uppreisn almennings.