Úr þriðju deildinni í Portúgal til Man. Utd fyrir 7 milljónir punda

Manchester United hefur keypt portúgalskan framherja að nafni Bebe. Kaupverðið er um 7,4 milljónir punda. Bebe gekk í raðir Guimarães fyrir nokkrum vikum eftir að hafa spilað í þriðju deildinni í Portúgal.

United nýtti sér kaupsklásúlu í samningi hans og keypti hann fyrir uppsett verð.

Hann ólst upp á munaðarleysingjaheimili og starfar mikið með heimilislausum og vinnur góðgerðarvinnu. Hann spilaði eitt sinn fyrir Portúgal á heimsmeistaramóti heimilislausra. Hann var heimilislaus á yngri árum.

Hann er kraftmikill framherji sem getur einnig spilað sem sókndjarfur miðjumaður.

Það var Carlos Queiros sem mælti með Bebe fyrir Manchester United.