Sunderland skellti Bolton - Portsmouth tapaði

Darren Bent gerði sér lítið fyrir og skoraði þrennu fyrir Sunderland sem vann langþráðan sigur í ensku úrvalsdeildinni í kvöld.

Liðið vann Bolton 4-0 en Frazier Campbell skoraði fyrsta mark leiksins strax á fyrstu mínútu hans. Grétar Rafn Steinsson lék allan leikinn fyrir Bolton.

Annar leikur fór fram í deildinni í kvöld. Birmingham vann 2-1 útisigur gegn botnliði Portsmouth. Cameron Jerome skoraði bæði mörk Birmingham.

Hermann Hreiðarsson lék allan leikinn í vörn Portsmouth.

Sunderland - Bolton 4-0

1-0 Campbell (1.)

2-0 Bent (64.)

3-0 Bent (víti 74.)

4-0 Bent (88.)

Portsmouth - Birmingham 1-2

0-1 Jerome (16.)

0-2 Jerome (42.)

1-2 Kanu (90.)