Fólk ferðist ekki að óþörfu á höfuðborgarsvæðinu í kvöld

Það mun bæta í vind og því má búast við skafrenningi á höfuðborgarsvæðinu þegar líður á daginn og fram á kvöld, segir Elísabet Margeirsdóttir, veðurfréttamaður á 365 miðlum.

Elísabet varar fólk því við að vera á ferðinni á höfuðborgarsvæðinu að óþörfu þegar líður á kvöldið. Elísabet segir að það muni hins vegar draga úr ofankomu á Suðvesturhorninu þegar liður á daginn. Hins vegar megi gera ráð fyrir meiri snjókomu á Suð - Austurlandi í kvöld.

Elísabet segir ekki hægt að útiloka að það verði meiri ofankoma á höfuðborgarsvæðinu á morgun.