Phil Brown: Gríðarleg vonbrigði fyrir mig

„Þessi ákvörðun eru gríðarleg vonbrigði fyrir mig," segir Phil Brown sem hefur verið rekinn sem knattspyrnustjóri Hull. Liðið tapaði fyrir Arsenal um helgina og er nú í næstneðsta sæti deildarinnar.

„Það er leiðinlegt að ég hafi ekki tækifærið til þess að tryggja áframhaldandi veru Hull í úrvalsdeildinni. Það er mjög sárt að þurfa að yfirgefa félagið en ég er stoltur af mínu starfi," segir Brown.

„Sérstaklega er ég stoltur af því að hafa komið liðinu upp í úrvalsdeildina í fyrsta sinn í 104 ára sögu þess. Því náði ég á undan áætlun. Þetta hefur verið mögnuð reynsla og vil ég þakka leikmönnum, núverandi og þáverandi, og starfsliði mínu."

Brown hefur stýrt Hull síðan 2006. „Að lokum vil ég þakka stuðningsmönnum fyrir allt saman og óska félaginu alls hins besta í framtíðinni," segir Brown í yfirlýsingu sem kom gegnum þjálfarafélag Englands.