Árni Friðriksson kominn til hafnar

Hafrannsóknastofnun er nú hætt formlegri loðnuleit og er Árni Friðriksson kominn til hafnar.

Það er því varla von til þess að frekar verði aukið við kvótann, sem er óvenju lítill í ár. Þó munu veiðiskip, í samráði við Hafrannsóknastofnun fylgjast með hvort vesturganga lætur á sér kræla, en dæmi eru um að loðna komi að vestan og beint inn á Breiðafjörð og Faxaflóa, án þess að fara fyrst í kringum landið.

Þrátt fyrir erfitt sjólag, voru skipin að veiðum á Faxaflóa í gær og að minnstakoksti tvö eru á leið til Vestmannaeyja með afla.-